مذكرة مهره

Posted On 29/03/2010

Filed under 1

Comments Dropped leave a response

هالمذكره سويتها لربيعت إختي ( مهره )

المذكره عباره عن دفتر متوسط الحجم .. بنات صفها يكتبون لها فيه مذكرات

( عبارات بسيطه .. أو بعض الكلمات )

وإتم معاها المذكره .. وتتذكر بنات صفها كل ما شافت المذكره

 

مستلزمات مدرسيه

Posted On 21/02/2010

Filed under 1

Comments Dropped 2 responses

مساء الخير

من بدايه إمتحانات الفصل الدراسي الأول وأنا أشتغل على هالمجموعه

قربت الإجازه تخلص والاهل يسألون متى بتخلصين علشان نشوف ونختار ..!!

يوم السبت .. قبل الدوامات بيوم توزعت المجموعه على الأهل والاصدقاء

والحمد الله إنها نالت أعجابهم … الفكره كانت طقم مكون من ( مقلمه + نوته + دفتر )

فستان تراثي .. بتصميم حديث

Posted On 16/02/2010

Filed under 1

Comments Dropped one response

 مرحباا … هالفستان سالفته سالفه  وقصته طويله … ومع ذلك خذ مني يوم واحد شغل عليه بس

هالقماش الوالده كانت مسويه لها منه كندوه .. وبقى من القماش وار وشويه

عطتني إياه .. وقالتلي سوي فيه لبنتج … وعلشان خاطر الوالده سويت لها فيه فستان

استانست عليه الوالده وايـد … وأنا أستانست يوم شفت وناسه الوالده .. ربي يحفظها لها يارب

 

بطاقات قوس قزح

Posted On 14/02/2010

Filed under 1

Comments Dropped 3 responses

من فتره رحت مركز التعليم المبكر … وبالصدفه كانوا بوقت التنزيلات

اشتريت من عندهم هالوردات المقصوصه خامتها تكون لينه .. ما أعرف شو أسمها بالضبط  

 البوكس سعره في التنزيلات بــ 46 درهم … والكرستالات بـ 9 دراهم

ركبتهم على البطايق وأضقت عليهم الفيونكات .. وطلعت بهذا الشكل

الفكره اليايه فكره أظرف للبطاقات … ترقبوني

البدايه

Posted On 13/02/2010

Filed under 1

Comments Dropped 2 responses

السلام عليكم ورحمه الله وبركاته

من زمان وأنا أحوس بمواقع التدوينات .. أدور على الشكل إلي يعجبني بس للاسف مب محصله

أيلس بالساعات  إلين ما يفتر راسي وأعصابي تتوتر

واشيل فكره التدوينه من راسي أسبوع ولا إسبوعين ( فنره راحه ) وأرد عقبها مره ثانيه أدور وأعدل وأغير

هالمره إن شاء الله بكمل في المدونه للنهايه .. وإن شاء الله تعجبكم وتستفيدون منها

تابع

احصل على كل تدوينة جديدة تم توصيلها إلى علبة الوارد لديك.